Demophilos | |
---|---|
Tuminongnong nga ngaran | Δημόφιλος |
Natawo | Tespias |
Namatay |
480 BC Termopilas |
Allegiance | Thespiae |
Ranggo | Komandante |
Mga Pag-awayan/mga gera | Pag-awayan han Termopilas |
Mga memorial | Ha Termopilas ngan Tespias |
Mga Kaurupdan | Diadromes (amay) |
Hi Demophilos o kundi man Demófilo (Griniyego: Δημόφιλος Demophilos; Kinatsila: Demófilo; Linatin ngan Ininglis: Demophilus ), sumala kan Herodotus, amo an komandante hin grupo hin 700 nga Tespio ha Pag-awayan ha Termopilas (480 UC). An iya amay hi Diadromes (Διαδρόμης).[1]
Hi Demophilos ngan an iy amga tawo inmaway dida han pag-awayan ngan ha kataposán didto hira upod han 300 nga mga Spartan han kataposan nga pag-atubang, tanan hira nagkamatay.[2] An kahadto nga Griyego nga biyahero ngan heyograpo nga hi Pausanias nagsurat gihapon mahitungod han mga Tespio ha Termopilas upod han mga Spartan.[3]
Katapós han Pag-awayan ha Termopilas, ginsunog han Persyano nga army an syudad han Tespias. Nangalagiw an mga bungtohanon ngadto han Peloponeso.[4] Ha urhe, an mga Tespio inmaway patok han Persyano nga army ha Pag-awayan ha Plataea (479 UC).[5]
Hi Demophilos ginhinumdom hin damo nga mga barasahon ngan mga pelíkula. Dida han 1962 nga pelíkula The 300 Spartans, gindara an papel ni Demophilus han Griyego nga aktor nga hi Yorgos (George) Moutsios.[6]
Ha Termopilas mayda monumento sapit han monumento ni Leonidas, hin paghinumdom ha iya ngan an iya mga tawo. Mayda gihapon monumento kan Demophilos ha yana nga syudad han Tespies.
© MMXXIII Rich X Search. We shall prevail. All rights reserved. Rich X Search